ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਲਈ ਬੀਜ ਅਤੇ ਮੱਕੀ ਦਾ ਅਚਾਰ ਰਵਾਨਾ

ਪੰਜਾਬ ਵਿੱਚ ਹੜ੍ਹ ਪੀੜਤ ਕਿਸਾਨਾਂ ਦੀ ਮਦਦ ਲਈ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਸੇਵਾ ਕਾਰਜ ਜਾਰੀ ਹੈ। ਪਾਰਟੀ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਅੱਜ ਧਰਮਕੋਟ ਹਲਕੇ ਦੇ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੂੰ ਕਣਕ ਦੀ ਬਿਜਾਈ ਲਈ 1,000 ਕੁਇੰਟਲ ਸਰਟੀਫਾਈਡ ਬੀਜ ਭੇਜੇ। ਇਸੇ ਤਰ੍ਹਾਂ, ਹਲਕਾ ਸ਼ਾਹਕੋਟ ਦੇ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਲਈ ਵੀ 800 ਕੁਇੰਟਲ ਸਰਟੀਫਾਈਡ ਬੀਜ ਅਤੇ ਪਸ਼ੂਆਂ ਲਈ 20 ਟਰਾਲੀਆਂ ਮੱਕੀ ਦਾ ਅਚਾਰ ਰਵਾਨਾ ਕੀਤਾ ਗਿਆ।

ਸੁਖਬੀਰ ਬਾਦਲ ਨੇ ਕਿਹਾ ਕਿ ਅਗਲੇ ਦਿਨਾਂ ਵਿੱਚ ਕਣਕ ਦੇ ਬੀਜ ਦੀ ਸੇਵਾ ਜਾਰੀ ਰਹੇਗੀ ਤਾਂ ਜੋ ਕਿਸਾਨ ਸਮੇਂ ਤੇ ਬੀਜਾਈ ਕਰ ਸਕਣ ਅਤੇ ਆਪਣੀ ਫਸਲ ਬਚਾ ਸਕਣ। ਉਹਨਾਂ ਨੇ ਪੰਜਾਬੀ ਭਾਈ-ਬਹਿਨਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਪੀੜਤ ਭੈਣ-ਭਰਾਵਾਂ ਦੀ ਹਰ ਸੰਭਵ ਮਦਦ ਕਰਨ ਤਾਂ ਜੋ ਉਹਨਾਂ ਦਾ ਮੁੜ ਵਸੇਬਾ ਬਣ ਸਕੇ।